葡萄牙轮换细盘吉兆

已获F组首名出线嘅葡萄牙，最後一场斗今届赛事世界排名最低嘅格鲁吉亚。领队马天尼斯早於上仗击败土耳其後打「开口牌」，讲明今场会作出大轮换，加上葡军近4场全开3球或以下，大细中位数最低嗰格都开3.5球，入球细玩得过。（Now 618周四凌晨3时直播）

马天尼斯之前执教比利时颗粒无收，转嚟教葡萄牙当然希望省靓招牌，目标一定系冠军，既然攞咗小组首名，唔使老将C朗及比比等落场搏杀，佢喺击败土耳其後表示：「葡萄牙系一个团队，每个人都有上阵机会，咁样亦可以增加队内竞争，令球队进步。」

虽然C朗今仗如果上阵，就会达成50场大赛上阵纪录，又如果佢入波，就6次踢欧国盃都入波，亦打破自己纪录，加上佢如果交出助攻嘅话，仲可以独揽欧国盃「助攻王」美誉，不过相信马天尼斯同「大哥」都会权衡轻重，或者到下半场先畀佢落场表演。

格鲁吉亚今场如果赢波，最少可以凭最佳第3名出线，佢哋对上两场都靠米卡达捷取得入球，证明唔系完全死守，不过就算葡军出後备，球员仍然系欧洲各大联赛劲旅正选，有一定实力，格鲁吉亚要入波唔系咁易，预料今场入波唔会多，玩入球细啱数。